नारायणी अस्पतालमा डायलासिस सेवा संचालन, दैनिक ४० डायलासिस गर्न सकिने

स्वास्थ्य

Home
स्वास्थ्य
नारायणी अस्पतालमा डायलासिस सेवा संचालन, दैनिक ४० डायलासिस गर्न सकिने

नारायणी अस्पतालमा डायलासिस सेवा संचालन, दैनिक ४० डायलासिस गर्न सकिने

पर्सा । वीरगंज स्थित नारायणी अस्पतालमा इमर्जेन्सी डायलासिस सेवा आजबाट संचालनमा आएको छ । राउण्ड टेबल नेपालको समन्वय र सिद्धार्थ बैंकको आर्थिक सहयोगमा अस्पतालमा १५ बेडको इमर्जेन्सी डायलासिस सेवा संचालनमा आएको हो । अस्पतालका मेडिकल सुपरिटेण्डेन्ट डा. बिरेन्द्र प्रधानले आईसियू कक्षको माथि भवन निर्माण गरी आजबाट इमर्जेन्सी डायलासिस सेवा सुरु गरिएको बताए ।

उनेले यो सेवा दिर्घ मृगौला रोगीहरुलाई नियमित डायलासिस सेवा लिई रहेका विरामीहरुको अवस्था जटिल बनेमा आकस्मिक डायलासिस कक्षमा उपचार गरिने बताए । साथै निमोनीया लगायत विभिन्न रोगका कारण एक्कासी मृगौलामा असर परेको विरामीलाई समेत उपचार गरिने मेडिकल सुपरिटेण्डेन्ट प्रधानले जानकारी दिए ।

इमर्जेन्सी डायलसिस सेवा लिनेहरुले केही शुल्क तिनुपर्ने र शुल्क बापत डायलासिस गर्ने क्रममा चाहिने विभिन्न समाग्रीहरु अस्पतालले नै प्रदान गर्ने डा. प्रधानले बताए । यस बाहेक नियमित डायलसिस गर्न आउने दिर्घ मृगौला रोगीहरुको हकमा अन्यबेला जस्तै निःशूल्क सेवा दिने उनको भनाई छ । उनले निजी अस्पतालहरुले इमर्जेन्सी डायलसिस सेवाको १० हजार देखि १२ हजार रुपैया लिने गरेकोमा नारायणी अस्पतालले जम्मा ५ हजार शुल्क तोकेको बताए ।

१५ बेड रहेको इमर्जेन्सी डायलसिसमा २ बेड सेरो पोजिटिभ अर्थात एचआईभीका बिरामीहरुका लागि छुट्याईएको छ । अहिले नारायणी अस्पतालमा २० देखि २२ वटा डायलसिस मेसिन रहेका छन । यी सबै मेसिन २४ औँ घण्टा ३ सिफ्ट गरी संचालनमा आए ४० जनासम्मको दैनिक डायलासिस गर्न सकिने मेडिकल सुपरीटेण्डेन्ट प्रधानले बताए । उनेले भवन निर्माणका लागि सिद्धार्थ बैंकले ५५ लाख रुपैया र एक दाताले ५ लाख रुपैयाको आर्थिक सहयोग गरी कुल ६० लाख रुपैयामा डायलासिस सेवा संचालनमा आएको बताए ।

प्रकाशित मिति: बिहीबार, मंसिर २९, २०७९ १३:१२

प्रतिक्रिया दिनुहोस्