नेपाल प्रेस युनियन पर्साको साधारण सभा गर्न समिति गठन

समाचार

Home
समाचार
नेपाल प्रेस युनियन पर्साको साधारण सभा गर्न समिति गठन

नेपाल प्रेस युनियन पर्साको साधारण सभा गर्न समिति गठन

वीरगञ्ज । नेपाल प्रेस युनियन पर्साले यही भदौं अन्तिम साता आफ्नो साधारण सभा गर्ने निर्णय गरेको छ । जिल्ला कार्यसमित पर्साको आज बसेको बैठकले भदौं २८ गते शाखाको साधारण सभा गर्ने निर्णय गरेको हो ।

प्रेस युनियनको केन्द्रिय कार्यालय गरेको पत्रचार अनुसार पर्सा शाखाले आफ्नो वार्षिक साधारण गर्न लागेको युनियन पर्साका अध्यक्ष विजय चौहानले बताए । पत्रकार महासंघको चुनाव मिति तोकिएपछि प्रेस युनियन पर्साले साधारण गर्नुको साथै चुनावी रणनीति तय गर्नका लागि समेत साधारण गर्न लागेको अध्यक्ष चौहानले जनाएका छन् । साधारण सम्पन्न गर्नका लागि जिल्ला कार्यसमितिले आजै ५ सदस्यीय साधारण सभात तयारी समितिसमेत गठन गरेको छ ।

प्रेस युनियन पर्साको उपाध्यक्ष अली असगर देवानको संयोजकत्वमा ५ सदस्यीय साधारण सभात तयारी समिति गठन गरिएको छ । जसको सदस्यहरुमा कपिलदेव यादव, हुकम सिंह राजपुत, जगबहादुर पटेल र संजय गुप्ता रहेका छन् ।

यसैगरी जिल्ला कार्यसमितिको बैठकले प्रेस युनियनको सदस्यता प्राप्त गर्नबाट छुटेका सक्रिय तथा प्रेस युनियनसंग आस्था राख्ने पत्रकारहरुलाई केन्द्रबाट पुनः नाम समावेश गराउने निर्णय गरेको पर्सा शाखाले जनाएको छ । प्रेस युनियन पर्साका अध्यक्ष विजय चौहानको अध्यक्षतामा बसेको बैठकमा उपाध्यक्षद्वय क्रान्ति शाह र अलीअसगर देवान ,कोषाध्यक्ष कपिलदेव यादव ,सदस्यहरु राकेश चौरसिया,नूर आलम, हुकुमसिंह राजपुत,जंगबहादुर पटेल,ओमप्रकाश चौधरी,सन्जय गुप्ता लगायतको सहभागीता थियो ।

प्रकाशित मिति: शनिबार, भदौ २२, २०८१ २२:४२

प्रतिक्रिया दिनुहोस्