नेपाल शिक्षक महासंघ पर्साद्वारा नेकपा एमालेलाई ज्ञापनपत्र

समाचार

Home
समाचार
नेपाल शिक्षक महासंघ पर्साद्वारा नेकपा एमालेलाई ज्ञापनपत्र

नेपाल शिक्षक महासंघ पर्साद्वारा नेकपा एमालेलाई ज्ञापनपत्र

वीरगंज । पर्साको बहुदरमाई नगरपालिकाको समस्या समाधानका लागि मन्त्रीलाई दबाव दिन नेपाल शिक्षक महासंघले नेकपा एमाले पर्सालाई ज्ञापनपत्र बुझाएको छ ।

नगरपालिकाको शिक्षक, बालविकास सहयोगी कार्यकर्ता र कर्मचारीहरुले चालू आर्थिक बर्षको श्रावण महिना देखि हाल सम्म (६ महिना र चाडपर्व खर्च) ७ महिनाको तलब भत्ता नपाएको र हाल विद्यालयको शैक्षिक गतिविधि बन्द रहेकोले सरोकारवाला शिक्षक, बालविकास सहयोगी कार्यकर्ता र विद्यालय कर्मचारीहरुको दैनिक दिनचर्या समेत अप्ठयारो भइरहेको भन्दै समस्या समाधानका लागि संघीय मामिला तथा सामान्य प्रशासन मन्त्रीलाई ध्यानाकर्षण गराउन नेपाल शिक्षक महासंघले नेकपा एमाले पर्सालाई ज्ञापनपत्र बुझाएको हो ।

संघीय सरकारको नेतृत्व नेकपा एमालेले गरिरहेको, संघीय मामिला तथा सामान्य प्रशासन मन्त्री पनि नेकपा एमालेकै भएकोले साथै मन्त्री पनि पर्सा जिल्लाकै र केही वडाहरू मन्त्री राजकुमार गुप्ताको क्षेत्रमा नै पर्ने भएकोले ज्ञापन पत्र बुझाएको नेपाल शिक्षक महासंघ पर्साका सचिव विनोद गिरीले बताए ।

शिक्षा विज्ञान तथा प्रविधि मन्त्री पनि नेकपा एमालेबाटै भएकोले सृजित समस्या समाधानमा एमाले जिम्मेवार हुनुपर्ने शिक्षक महासंघको धारणा छ । महासंघका पर्सा अध्यक्ष तीर्थराज यादवको नेतृत्वमा गएको टोलीले एमाले पर्साका अध्यक्ष डा.विश्वम्भर शर्मालाई वीरगंज पार्टी कार्यालयमै ज्ञापनपत्र बुझाएको हो ।
ज्ञापनपत्र बुझदै अध्यक्ष शर्माले बहुदरमाईको समस्या समाधानका लागि नेकपा एमाले पर्साले भरपुर प्रयास गर्ने बताउदै ज्ञापनपत्र आजै सम्बन्धित मन्त्रालयमा पठाउने बताए ।

सो अवसरमा नेपाल राष्ट्रिय शिक्षक संगठन पर्साका ईन्द्रदेव राउत कुर्मी, रेयाज देवान, नेपाल शिक्षक संघ पर्साका प्रदिप जयसवाल लगायत बहुदरमाई नगरपालिका भित्र पर्ने स्कूलका प्रधानाध्यापक तथा प्रतिनिधिहरुको सहभागिता रहेको श्री मुखदेव शुसिला मा.वि. रामनगरीका प्रधानाध्यापक लक्ष्मीकान्त साहले बताए ।

प्रकाशित मिति: शुक्रबार, माघ ११, २०८१ २१:४९

प्रतिक्रिया दिनुहोस्