बिरगंजको छपकैयामा सशस्त्रको छापा

समाचार

Home
समाचार
बिरगंजको छपकैयामा सशस्त्रको छापा

बिरगंजको छपकैयामा सशस्त्रको छापा

बिरगंज । सशस्त्र प्रहरी बल नेपाल नं. १३ गण हे.क्वा र वीरगञ्ज भन्सार कार्यालयबाट खटिएको संयुक्त टोलीले वीरगञ्ज महानगरपालिका–१ छपकैयामा छापामारी गरेको छ । विशेष सूचनाको आधारमा छपकैया तथा नदिया टोलका विभिन्न घरहरूमा छापामारी गरि ठूलो परिमाणमा कपडा बरामद गरेको छ।

भारतबाट भन्सार छलि चोरीपैठारी गरी ल्याइ लुकाइछिपाई राखिएको अवस्थामा रु. १८ लाख ५५ हजार ३ सय ५० बराबरको कपडा फेला पारी नियन्त्रणमा लिइएको सशस्त्र प्रहरी बल पर्साले जानकारी दिएको छ।

बरामद गरिएको सामान आवश्यक कारबाहीका लागि वीरगञ्ज भन्सार कार्यालयमा बुझाइएको सशस्त्र प्रहरी नायब उपरीक्षक (डीएसपी) तथा सूचना अधिकारी देबेन्द्र बहादुर सिंहले जानकारी दिनुभएको छ। सशस्त्र प्रहरीको सतर्कता र सक्रियताले अवैध कारोवार नियन्त्रणमा टेवा पुगेको जनाइएको छ।

प्रकाशित मिति: बिहीबार, असार १९, २०८२ २२:१५

प्रतिक्रिया दिनुहोस्