देउवाले भने– सत्तागठबन्धनका दललाई जिस्क्याउने काम नगर्नू

समाचार

Home
समाचार
देउवाले भने– सत्तागठबन्धनका दललाई जिस्क्याउने काम नगर्नू

Baking News देउवाले भने– सत्तागठबन्धनका दललाई जिस्क्याउने काम नगर्नू

Deuwa2022-03-10-04-46-04.jpeg

वीरगन्ज । प्रधानमन्त्री एवं कांग्रेस सभापति शेरबहादुर देउवाले सत्तागठबन्धन आगामी स्थानीय तहको निर्वाचनसम्मै कायम रहने बताएका छन् । वीरगन्जमा बिहीबार आयोजित कांग्रेस पर्साका नवनिर्वाचित पदाधिकारी र सदस्यहरूलाई प्रमाणपत्र वितरण कार्यक्रममा देउवाले संविधानको रक्षा गर्न बनेको गठबन्धनको सहकार्य र एकता अझै आवश्यक रहेको बताएका हुन् ।

देउवाले सत्तागठबन्धनमा रहेका दलहरूलाई विभिन्न माध्यमले जिस्क्याउने काम नगर्न नेता तथा कार्यकर्तालाई निर्देशनसमेत दिएका छन् । उनले सत्तागठबन्धनले पास गरेको एमसिसी परियोजना मुलुकको हितमा रहेको र यसले देशको विकासमा सहयोग पुग्नुका साथै रोजगारी पनि सिर्जना गर्ने बताए ।

उनले दुई छिमेकी देशहरूबीच समदूरी र सन्तुलित सम्बन्ध राखेर नेपालको विकास गर्नुपर्नेमा जोड दिए ।

पोखरीयाका मेयर कांग्रेस प्रवेश
पर्साको पोखरीया नगरपालिकाका मेयर दीपनारायण रौनियार कांग्रेसमा प्रवेश गरेका छन् । बिहीबार वीरगन्जमा आयोजित कार्यक्रममा कांग्रेस सभापति देउवाले रौनियारलाई पार्टी सदस्यता प्रदान गर्दै कांग्रेसमा प्रवेश गराएका हुन् ।

रिजवान अन्सारी नेतृत्वको नेपाल संघीय समाजवादी पार्टीबाट रौनियार मेयर निर्वाचित भएका थिए ।

प्रकाशित मिति: शुक्रबार, फागुन २७, २०७८ ०४:१८

प्रतिक्रिया दिनुहोस्