पर्साकाे जयमंगलापुरमा एक युवक मृत फेला

समाचार

Home
समाचार
पर्साकाे जयमंगलापुरमा एक युवक मृत फेला

पर्साकाे जयमंगलापुरमा एक युवक मृत फेला

वीरगन्ज । पर्साकाे छिपहरमाई गाउँपालिका वडा नम्बर ३ जयमंगलापुरस्थित पुलमुनि शुक्रबार बिहान एक युवक मृत अवस्थामा फेला परेका छन्।

वडा नम्बर ३ काे कार्यालयबाट करिब १०० मिटर पश्चिमतर्फ रहेकाे झलमहिया र भिस्वा जाेड्ने सडकमा अवस्थित पुलमुनि खसेकाे अवस्थामा भारतीय नम्बर प्लेटकाे हाेण्डा साइन माेटरसाइकलसहित झलमहिया गाँउकै २८ वर्षीय रमेश साह कानु मृत अवस्थामा भेटिएका हुन्।

पुलमुनिकाे पानीमा वीर आर २२ ए एल १२७३ नम्बरको माेटरसाइकलसंगै मृत भेटिएका ती युवककाे मृत्युको यकिन कारण अहिलेसम्म खुल्न सकेकाे छैन ।घटनास्थल र शवकाे प्रकृति हेर्दा माेटरसाइकलसहित पुलमुनि खसेर युवकको मृत्युु भएको हुनसक्ने प्रारम्भिक अनुमान गरिएको तर यकिन कारण खुल्न नसकेको जिल्ला प्रहरी कार्यालय पर्साका प्रवक्ता तथा प्रहरी नायब उपरीक्षक हरिबहादुर बस्नेतले बताए ।

घटनास्थलमा ईलाका प्रहरी कार्यालय पाेखिरियाकाे प्रहरी टाेली पुगेर अनुसन्धान गरिरहेकाे प्रहरी नायब उपरीक्षक बस्नेतले जानकारी दिए।

प्रकाशित मिति: शुक्रबार, असोज १७, २०८२ ११:३८

प्रतिक्रिया दिनुहोस्