CAP अनुगमनमा सक्रिय प्रहरी नेतृत्व : पर्सा–बारा क्षेत्रमा ४ प्रमुख इकाईको निरीक्षण

समाचार

Home
समाचार
CAP अनुगमनमा सक्रिय प्रहरी नेतृत्व : पर्सा–बारा क्षेत्रमा ४ प्रमुख इकाईको निरीक्षण

CAP अनुगमनमा सक्रिय प्रहरी नेतृत्व : पर्सा–बारा क्षेत्रमा ४ प्रमुख इकाईको निरीक्षण

पर्सा । जिल्ला प्रहरी प्रशासनलाई थप प्रभावकारी, जिम्मेवार र परिणाममुखी बनाउने उद्देश्यले CAP (कार्यसम्पादन मूल्याङ्कन तथा अनुगमन कार्यक्रम) अन्तर्गत व्यापक निरीक्षण गरिएको छ। यसै क्रममा नेपाल प्रहरीको प्रदेश कार्यालय बिरगंज, पर्साका कार्यालय प्रमुख प्रहरी वरिष्ठ उपरीक्षक (SSP) शान्ति राज कोईरालाले पर्सा र बारा जिल्लाका विभिन्न प्रहरी इकाईहरूको स्थलगत अनुगमन तथा निरीक्षण गर्नुभएको छ ।

669439886_1266370715631386_1353021036251798905_n-1775738385.jpg
निरीक्षणका क्रममा पर्सा मातहत रहेका इलाका प्रहरी कार्यालय पोखरिया र इलाका प्रहरी कार्यालय पटेर्वा सुगौली तथा बारा मातहत रहेका इलाका प्रहरी कार्यालय सिम्रौनगढ र इलाका प्रहरी कार्यालय कोल्हवी गरी चार वटा मुद्दा चल्ने प्रमुख प्रहरी इकाईहरूको कार्यसम्पादन, सेवा प्रवाह र शान्ति सुरक्षाको अवस्थाको सूक्ष्म मूल्याङ्कन गरिएको थियो।

निरीक्षणका क्रममा प्रहरी वरिष्ठ उपरीक्षक कोईरालाले प्रहरी कर्मचारीहरूलाई अनुशासन, पारदर्शिता र नागरिकमैत्री सेवा प्रवाहमा जोड दिन निर्देशन दिनुभएको छ। साथै अपराध नियन्त्रण, अनुसन्धान कार्यको गुणस्तर वृद्धि र समुदायसँगको सहकार्यलाई अझ सुदृढ बनाउन विशेष आग्रह गर्नुभएको थियो।

667169566_1266370188964772_1225195213200339953_n-1775738383.jpg
उहाँले प्रहरी संगठनको प्रभावकारिता बढाउन निरन्तर अनुगमन, जिम्मेवारीप्रति उत्तरदायित्व र व्यावसायिकता अपरिहार्य रहेको उल्लेख गर्दै, जनताको विश्वास जित्ने गरी काम गर्न निर्देशन दिनुभयो।अनुगमन तथा निरीक्षणका क्रममा दिइएका निर्देशनहरूले सम्बन्धित प्रहरी इकाईहरूमा कार्यसम्पादन सुधार तथा सेवा प्रवाहमा सकारात्मक प्रभाव पार्ने अपेक्षा गरिएको छ।