बारामा भारतीय सहयोगमा विद्यालय भवन निर्माण सुरु

समाचार

Home
समाचार
बारामा भारतीय सहयोगमा विद्यालय भवन निर्माण सुरु

बारामा भारतीय सहयोगमा विद्यालय भवन निर्माण सुरु

बारा । भारत सरकारको आर्थिक सहयोगमा मधेश प्रदेशको बारा जिल्लामा एक विद्यालय तथा पुस्तकालय भवन निर्माण कार्य सुरु भएको छ। जिल्ला प्रसौनी गाउँपालिका–२ स्थित श्री बेंगा साह माध्यमिक विद्यालयमा उक्त भवनको शिलान्यास सम्पन्न भएको हो।

भारतकाे महावाणिज्य दूतावास, वीरगंजका महावाणिज्यदूत देवी सहाय मीना र प्रसौनी गाउँपालिकाका अध्यक्ष विनोद प्रसाद जैसवालले संयुक्त रूपमा भवनको शिलान्यास गरेका हुन्। यो परियोजना भारत सरकारको करिब ३३.२ मिलियन नेपाली रुपैयाँको सहयोगमा निर्माण हुन लागेको हो, जसलाई उच्च प्रभाव सामुदायिक विकास परियोजना (HICDP) अन्तर्गत कार्यान्वयन गरिनेछ। निर्माण हुने नयाँ भवनमा आधुनिक कक्षाकोठासहित पुस्तकालय, कम्प्युटर प्रयोगशाला, विज्ञान प्रयोगशाला, क्यान्टिन र भान्छा जस्ता आवश्यक सुविधाहरू रहने जनाइएको छ।

यसले विद्यार्थीहरूलाई गुणस्तरीय शिक्षा हासिल गर्न सुरक्षित र अनुकूल वातावरण प्रदान गर्ने अपेक्षा गरिएको छ। स्थानीय जनप्रतिनिधि, विद्यालय व्यवस्थापन समिति तथा सरोकारवालाहरूले भारत सरकारको सहयोगप्रति आभार व्यक्त गर्दै यस परियोजनाले शिक्षा क्षेत्रमा सकारात्मक परिवर्तन ल्याउने विश्वास व्यक्त गरेका छन्।

नेपाल र भारतबीच नजिकका छिमेकी तथा विकास साझेदारका रूपमा विभिन्न क्षेत्रमा सहकार्य हुँदै आएको छ। यस्ता परियोजनाहरूले नेपालको विकास प्रयासलाई थप सुदृढ बनाउने अपेक्षा गरिएको छ।

प्रकाशित मिति: सोमबार, चैत ३०, २०८२ २१:५१

प्रतिक्रिया दिनुहोस्