सोनम वाङचुकले २६ दिनपछि तोडे अनशन

विदेश

Home
विदेश
सोनम वाङचुकले २६ दिनपछि तोडे अनशन

सोनम वाङचुकले २६ दिनपछि तोडे अनशन

काठमाडौं । भारतमा एनईईटी परीक्षा पेपर लिक प्रकरणविरुद्ध आमरण अनशनमा बसेका सामाजिक अभियन्ता सोनम वाङ्चुकले केन्द्रीय स्वास्थ्यमन्त्री जेपी नड्डा र केन्द्रीय राज्यमन्त्री डा. जितेन्द्र सिंहसँग भएको भेटवार्तापछि आफ्नो अनशन अन्त्य गरेका छन्। वाङ्चुकले सरकारसँग संवाद सुरु भएपछि आन्दोलनलाई वार्तामार्फत अघि बढाउने संकेत दिएका हुन्।

उनले २५ दिनपछि अनाशन तोडेका हुन् । यद्यपि आन्दोलनको नेतृत्व गरिरहेको सीजेपीले शुक्रबार देशभर प्रदर्शन गर्ने कार्यक्रम भने यथावत् राखेको छ। संगठनले पेपर लिक प्रकरणमा निष्पक्ष छानबिन, दोषीमाथि कडा कारबाही र शिक्षा प्रणालीमा सुधारको माग दोहोर्‍याएको छ।

यसैबीच, प्रधानमन्त्री नरेन्द्र मोदीले बिहीबार राति सामाजिक सञ्जालमार्फत भिडियो सन्देश जारी गर्दै पेपर लिकविरुद्ध सरकारले थप कडा कानुनी व्यवस्था ल्याउने घोषणा गरेका छन्। उनले शुक्रबार बस्ने केन्द्रीय मन्त्रिपरिषद् बैठकमा फास्ट–ट्र्याक अदालत, दोषीलाई कडा सजाय र पेपर लिक रोक्न नयाँ कानुनी प्रावधान समेटिएको प्रस्ताव प्रस्तुत गरिने बताएका छन्। मोदीले पेपर लिकलाई लाखौँ विद्यार्थीको भविष्यसँग जोडिएको गम्भीर अपराध भन्दै मन्त्रिपरिषद्बाट स्वीकृतिपछि विधेयक संसदको चालु अधिवेशनमै पारित गराउने प्रयास गरिने बताए। उनका अनुसार सरकारले पछिल्ला दुई महिनामा दोषीहरूलाई

पक्राउ गरी कारबाही अघि बढाएको छ भने २२ लाख विद्यार्थीको शैक्षिक वर्ष खेर जान नदिन छोटो समयमै पुनः परीक्षा सञ्चालन गरेको थियो। पेपर लिक प्रकरणले भारतमा संसददेखि सडकसम्म तीव्र राजनीतिक बहस र विद्यार्थी आन्दोलन चर्काइरहेका बेला सरकार वार्ता र कडा कानुनी दुवै रणनीतिसहित अघि बढ्न खोजिरहेको देखिएको छ।

प्रकाशित मिति: शुक्रबार, साउन ८, २०८३ ०६:५६

प्रतिक्रिया दिनुहोस्