योगी आदित्यनाथको शपथ समारोह भव्य बनाउने तयारी, देशैभरबाट सहभागी गराइँदै

विदेश

Home
विदेश
योगी आदित्यनाथको शपथ समारोह भव्य बनाउने तयारी, देशैभरबाट सहभागी गराइँदै

योगी आदित्यनाथको शपथ समारोह भव्य बनाउने तयारी, देशैभरबाट सहभागी गराइँदै

भारतको उत्तर प्रदेशमा सरकार चलाएका मुख्यमन्त्री योगी आदित्यनाथले भारतीय जनता पार्टी (भाजपा) लाई पुनः चुनाव जिताएपछि उनी चर्चामा छन् । आगामी २५ मार्चमा उनी पुनः मुख्यमन्त्रीको शपथ लिँदैछन् ।

अपराह्न ४ बजे हुने शपथ समारोहलाई भव्य बनाउन लखनऊको इकाना स्टेडियमको सजावट थालिएको भारतीय सञ्चारमाध्यमले जनाएका छन् ।

योगीको शपथ समारोहमा केन्द्रीय गृहमन्त्री अमित शाह, भाजपाका राष्ट्रिय अध्यक्ष जेपी नड्डा, भाजपाको सरकार रहेका राज्यका मुख्यमन्त्री र उपमुख्यमन्त्रीलाई निमन्त्रणा गरिएको छ ।

भाजपाले देशैभरका नेतालाई शपथ कार्यक्रममा बोलाएर विशेष सन्देश दिन खोजेको चर्चा छ । योगीलाई भारतको भाबी प्रधानमन्त्रीको रूपमा समेत हेर्न थालिएको छ ।

शपथ कार्यक्रममा सबै प्रमुख विपक्षी दलका नेताहरूलाई समेत निम्तो दिइएको छ । यसैबीच राष्ट्रिय स्वयंसेवक संघका प्रमुख मोहन भागवत ३ दिने भ्रमणका लागि २० मार्चमा गोरखपुर जाने भएका छन् । गोरखपुर योगीको चुनाव क्षेत्र हो ।

शपथ ग्रहण समारोहलाई प्रदेशभर देखाउन हरेक जिल्लामा ‘एलईडी स्क्रिन’ लगाउने तयारी समेत भइरहेको छ । भाजपाले उत्तर प्रदेश सरकार गठनका लागि अमित शाह र रघुवर दासलाई पर्यवेक्षक तोकेको छ ।

प्रकाशित मिति: शनिबार, चैत ५, २०७८ २१:१६

प्रतिक्रिया दिनुहोस्