सामाजिक अध्ययन अध्यापन शिक्षक संग अन्तरक्रिया कार्यक्रम सम्पन्न

समाचार

Home
समाचार
सामाजिक अध्ययन अध्यापन शिक्षक संग अन्तरक्रिया कार्यक्रम सम्पन्न

सामाजिक अध्ययन अध्यापन शिक्षक संग अन्तरक्रिया कार्यक्रम सम्पन्न

वीरगंज । निजी तथा आवासीय विद्यालय अर्गनाईजेशन नेपाल (प्याब्सन) पर्सामा आवद्ध स्कूलका सामाजिक विषयका शिक्षक शिक्षिकाहरु बीच शुक्रवार अन्तरक्रिया कार्यक्रम सम्पन्न भएको छ ।

होटल भिस्वा वीरगंजमा प्याब्सन वीरगंज र प्याब्सन पर्साको संयुक्त आयोजनामा दुई शत्रमा अन्तरक्रिया तथा प्रशिक्षण कार्यक्रम सम्पन्न भएको हो । बिहान ८ः३० बजे देखि पहिलो शत्रमा प्याब्सन अन्र्तगतका ४३ वटा स्कूलका कक्षा १ देखि ३ सम्म अध्यापन गराउने ४५ जना सामाजिक विषयका शिक्षक÷शिक्षिकाहरुको सहभागिता रहेको थियो भने दिउँसो १२ः३० बजे देखि कक्षा ४ देखि १० सम्मका ९० जना शिक्षक शिक्षिकाहरुको सहभागिता रहेको प्याब्सन वीरगंज महानगर अध्यक्ष आलोक चौरसियाले बताए ।

सो कार्यक्रममा सामाजिक विषयको विशेषज्ञ तथा लेखक सूर्यबहादुर गुरुङले प्रशिक्षण दिएका थिए । प्रशिक्षक गुरुङले विद्यार्थीहरुलाई कक्षामा पढाउने विधि, सजिलो बुझाउने तरिका, सबै विद्यार्थीहरुलाई गर्ने व्यवहार लगायतका बारेमा छलफल तथा प्रशिक्षण दिएका थिए ।

प्याब्सन पर्साका अध्यक्ष पुरन प्रधानको अध्यक्षतामा सम्पन्न सो कार्यक्रममा उपाध्यक्ष शिव गुप्ता, सचिव राहुल श्रीवास्तव, कोषाध्यक्ष रामकिशोर यादव, प्याब्सन महानगर उपाध्यक्ष प्रदीप कुशावाहा, कोषाध्यक्ष सुरज बाबु पटेल, सदस्य अमित आलोक लगायतको विशेष उपस्थिति रहेको थियो । सो कार्यक्रममा प्याब्सन अन्र्तगतका विभिन्न स्कूलका कक्षा ११ का स्नेहा चौधरी, निसा साह, निधि दास पटेरी, अंजली चौरसियाले व्यवस्थापनमा सहयोग पु¥याएका थिए ।

प्रकाशित मिति: शुक्रबार, माघ २६, २०८० २२:१०

प्रतिक्रिया दिनुहोस्