नारायणी अस्पपतालमा नवजात शिशु छाडेर आमा फरार, गलत ठेगाना टिपाएको कारण खोजी कार्यमा कठिनाइ

समाचार

Home
समाचार
नारायणी अस्पपतालमा नवजात शिशु छाडेर आमा फरार, गलत ठेगाना टिपाएको कारण खोजी कार्यमा कठिनाइ

नारायणी अस्पपतालमा नवजात शिशु छाडेर आमा फरार, गलत ठेगाना टिपाएको कारण खोजी कार्यमा कठिनाइ

वीरगञ्ज । वीरगञ्जको नारायणी अस्पतालमा नवजात शिशुलाई छाडेर आमा फरार भएकी छिन् । छोरी जन्मिएको भन्दै परिवारले झैझगडा गरेपछि शिशुलाई अस्पतालमै छोडेर आमा हिंडेकी हुन् ।

वीरगञ्जको रानीघाट–६ ठेगाना टिपाएकी सीता देवीले हिजो बिहान साढे ६ बजे सीता देवीले शिशुलाई जन्म दिएकी थिइन् । छोरी जन्मिएपछि सीतासँग बेडीले झगडा गरेको अस्पतालका स्वास्थ्यकर्मीले बताए । अस्पतालमै पनि परिवारजनले तनाव दिए जस्तो देखिएको उनीहरूको भनाइ छ ।

सीताका यसअघि तीन छोरी जन्मिएका थिए । उनीहरू फागुन १२ गते दिनभर अस्पतालमै थिए । साँझ अस्पतालका स्वास्थ्यकर्मी र सुरक्षा गार्डको आँखा छलेर हिंडेका हुन् । आज मध्याह्नसम्म पनि उनीहरू नभेटिएको अस्पतालले जनाएको छ । छोरी जन्मिएकै कारण आमा र हजुरआमा शिशुलाई अलपत्र छोडेर हिंडेको प्रसूति वार्डको नर्सिङ इन्चार्ज हेमा थापाले जानकारी दिनुभयो ।

शिशु स्वस्थ रहेको र एनआईसीयूमा राखिएको थापाले बताउनुभयो । अस्पताल वरपर खोजतलास गर्दा नभेटिएपछि प्रहरीलाई जानकारी गराइएको अस्पतालका मेडिकल सुपरिटेन्डेन्ट डा. चितरञ्जन साहले जानकारी दिनुभयो ।

उनीहरूले गलत ठेगाना टिपाएर गएकाले खोजीमा कठिनाइ भइरहेको जिल्ला प्रहरी कार्यालय, पर्साका प्रहरी नायब उपरीक्षक कुमारविक्रम थापाको भनाइ छ । उनीहरूको खोजतलास जारी रहेको पर्सा प्रहरीले जनाएको छ ।

प्रकाशित मिति: आइतबार, फागुन १३, २०८० १७:०३

प्रतिक्रिया दिनुहोस्