बारामा स्वास्थ्य बिमा सम्वन्धी ४ दिने तालिम संचालन

समाचार

Home
समाचार
बारामा स्वास्थ्य बिमा सम्वन्धी ४ दिने तालिम संचालन

बारामा स्वास्थ्य बिमा सम्वन्धी ४ दिने तालिम संचालन

स्वास्थ्य बिमाका दर्ता सहयोगीहरुका लागी तालिम संचालन । तस्विर : अकबर हवारी ।

वीरगंज । बाराको कलैयामा स्वास्थ्य बिमा सम्वन्धी आधारभुत तथा पूनर्ताजगी तालिम सुरु भएको छ ।

सामाजिक स्वास्थ्य सुरक्षा अन्तर्गतको स्वास्थ्य बीमा कार्यक्रम अन्तर्गत कार्यक्रमका दर्ता सहयोगीहरुको आधारभुत तथा पूनर्ताजगी ४ दिने तालिम जिल्ला संयोजक रमेश खनियाको अध्यक्षतामा आजबाट सुरु भएको हो ।

तपाईको स्वास्थ्य हाम्रो अठोट भन्ने मुख्य नारा सहित सुरु गरिएको तालिमले स्वास्थ्य विमा कार्यक्रमलाई प्रभावकारी ढङगले संचालन सहयोग पुग्ने आयोजकको अपेक्षा छ । तालिममा स्वास्थ्य बीमा कार्यक्रमका दर्ता सहयोगीहरुलाई परेका समस्याहरु माथी छलफल गरेर समाधान गर्नुका साथै विमाका राष्ट्रिय नितीहरु बारे जानकारी गराईने जनाइएको छ ।

स्वाथ्य विमा कार्यक्रमका दर्ता सहयोगीहरुलाई केन्द्रित गरेर संचालन गरिएको तालिममा गिता खत्री, धर्मेन्द्र कु. गुप्ता, अक्षय कु. महतो, मुन्नी कुमारी भण्डारी लगायत जिल्लाका ६० जना दर्ता सहयोगीहरुको सहभागिता रहेको छ । कार्यक्रममा स्वास्थ्य बीमा बोर्डका मधेश प्रदेश संयोजक मनोज पौडेल र रौतहट जिल्लाका जिल्ला संयोजक कामेश्वर साहले प्रशिक्षण दिरहेका छन् ।