काठमाडौं । सातको तेस्रो कारोबारको दिन मङ्गलवार नेप्से परिसूचक बढेर बन्द भएको छ । अघिल्लो कारोबार दिन अर्थात् सोमबार घटेर बन्द भएको नेप्से, आज भने बढेर बन्द भएको छ । नेप्से परिसूचक ३४.४६ अङ्क बढेर २७६०.१७ विन्दुमा पुगेको छ । त्यस्तै, सेन्सेटिभ इण्डेक्स ७.०४ अङ्क बढेको छ भने फ्लोट इण्डेक्स २.६० अङ्क र सेन्सेटिभ फ्लोट इण्डेक्स २.५७ अङ्क बढेको छ ।
नेप्सेसँगै आज कारोबार रकम पनि बढेको छ । सोमबार ८ अर्ब १७ करोडको सेयर खरिदबिक्री भएको बजारमा आज ३१७ स्टकको ७४ हजार ५७ पटकको कारोबारमा ९ अर्ब ४१ करोड ९१ लाख ६५ हजार रुपैयाँबराबरको २ करोड ६५ लाख १७ हजार कित्ता सेयर खरिदबिक्री भएको छ ।
सुपर मादी हाइड्रोपावरको सेयरमूल्य सर्वाधिक ८.०८ प्रतिशत बढेको छ । त्यस्तै, राप्ती हाइड्रो एण्ड जनरल कन्स्ट्रक्सनको सेयरमूल्य करिब ६ प्रतिशत बढेको छ भने विन्ध्यबासिनी हाइड्रोपावर डेभलपमेन्ट कम्पनीको सेयरमूल्य साढे ५ प्रतिशतभन्दा बढी बढेको छ । कारोबारमा आएको भगवती हाइड्रोपावर डेभलपमेन्ट कम्पनीको सेयरमूल्य सर्वाधिक ४.६४ प्रतिशत घटेको छ ।
कारोबार रकमका आधारमा बुटवल पावर कम्पनी शीर्ष स्थानमा रहेको छ । सो कम्पनीको ५२ करोड ३२ लाख ६३ हजार रुपैयाँबराबरको सेयर कारोबार भएको छ । त्यस्तै, निफ्रा ग्रीन इनर्जी डिबेञ्चर ६ प्रतिशत २०८८/८९ को ५० करोड ५१ लाख २१ हजार रुपैयाँबराबरको ऋणपत्र किनबेच भएको छ भने राधी विद्युत् कम्पनीको करिब ४३ करोड रुपैयाँको सेयर खरिदबिक्री भएको छ ।
१२ उपसमूहको परिसूचक बढेको छ भने एक उपसमूहको परिसूचक स्थिर रहेको छ । बैंकिङ्ग उपसमूहको परिसूचक सर्वाधिक १.८१ प्रतिशत बढेको छ । त्यस्तै, यस नि विकास बैङ्क, वित्त, होटल तथा पर्यटन, जलविद्युत, लगानी र लघुवित्त उपसमूहको परिसूचक १ प्रतिशतभन्दा बढी बढेको छ ।
