नक्कली किसान र बिल खडा गरी ७२ लाख कृषि अनुदान हिनामिना

समाचार

Home
समाचार
नक्कली किसान र बिल खडा गरी ७२ लाख कृषि अनुदान हिनामिना

नक्कली किसान र बिल खडा गरी ७२ लाख कृषि अनुदान हिनामिना

धनुषा । नक्कली किसान र नक्कली बिल खडा गरी कृषि अनुदानमा भ्रष्टाचार गरेको खुलेपछि अख्तियारले धनुषामा रहेको तत्कालीन जिल्ला कृषि विकास कार्यालय प्रमुख सुकेश्वर झासहित चारजनाविरुद्ध शुक्रबार भ्रष्टाचार मुद्दा चलाएको छ । अख्तियारले झासहित तत्कालीन लेखापाल रामचन्द्र ठाकुर, प्राविधिक सहायक देवेन्द्रलाल कर्ण र सुदिश माछापालन केन्द्रका प्रोप्राइटर रामसुदिश शरणविरुद्ध विशेष अदालत काठमाडौंमा मुद्दा दायर गरेको हो ।

झा, ठाकुर र कर्णको मिलेमतोमा निजी माछा फार्मबाट माछाको भुरा खरिद नै नगरी नक्कली बिल बनाएर ७२ लाख ५९ हजार ९० रुपैयाँ भ्रष्टाचार गरेको आरोप छ । अख्तियारले उनीहरूविरुद्ध भ्रष्टाचार निवारण ऐन, २०५९ को दफा ८ ९१० ९ङ० अन्तर्गत जनही ७२ लाख ५९ हजार ९० रुपैयाँ बिगो कायम गरी कैद, बिगोबमोजिम जरिवाना तथा बिगो असुलउपरको मागदाबी लिएको छ । त्यस्तै, सुदिश माछापालन केन्द्रका प्रोप्राइटर रामसुदिश शरणलाई गैरकानुनी लाभ लिने मतियारका रूपमा मुख्य कसुरदारसरह सजायको माग गर्दै सोहीबराबरको बिगो असुलउपर गर्न माग गरिएको आयोगका प्रवक्ता सुरेश न्यौपानेले बताए ।

आयोगका अनुसार कृषि विकास रणनीति अनुगमन तथा समन्वय कार्यक्रम ९राहत०अन्तर्गत मत्स्य भुरा वितरणका लागि दुई करोड ३४ लाख २८ हजार रुपैयाँ बजेट विनियोजन गरिएको थियो । तर, निजी माछा फर्मबाट भुरा खरिद नै नगरी खरिद गरेको देखाउँदै नक्कली बिल तयार गरिएको, वास्तविक रूपमा भुरा वितरण नगरी कृषकहरूको नक्कली नाम, ठेगाना र सहीछाप तयार गरी कृषि कार्यालय धनुषाले आर्थिक वर्ष ०७४र७५ मा ७२ लाख ५९ हजार ९० रुपैयाँ भुक्तानी गरी भ्रष्टाचार गरेको अनुसन्धानबाट खुलेको हो ।

प्रकाशित मिति: शनिबार, असार २७, २०८३ २१:०६

प्रतिक्रिया दिनुहोस्