एमाले र नेकपाबिच तीन बुँदे सहमति

राजनीति

Home
राजनीति
एमाले र नेकपाबिच तीन बुँदे सहमति

एमाले र नेकपाबिच तीन बुँदे सहमति

काठमाडौँ । नेकपा (एमाले) र नेपाली कम्युनिस्ट पार्टीबिच प्रदेश सभामा सहकार्य गर्ने सहमति भएको छ । एमाले प्रचार तथा प्रकाशन विभाग प्रमुख निरज आचार्यका अनुसार एमाले अध्यक्ष केपी शर्मा ओली र नेपाली कम्युनिस्ट पार्टी (नेकपा) का संयोजक पुष्पकमल दाहाल ‘प्रचण्ड’ सहित शनिबार बसेको बैठकले सो सहमति गरेको हाे ।

उहाँका अनुसार एमाले र नेकपाबिच मुख्य तीन बुँदामा सहमति भएको छ ।

प्रदेश सभाहरुमा सहकार्य गर्ने तथा संयुक्त सरकार गठन गर्ने, संयुक्त सरकारमा काेशी, बागमती र लुम्बिनी प्रदेशको नेतृत्व नेकपा (एमाले)ले गर्ने सहमति भएको छ भने कर्णाली र सुदूरपश्चिम प्रदेशको नेतृत्व नेकपाले गर्ने सहमति भएको छ ।

यसैगरी मधेस र गण्डकी प्रदेशमा सरकार गठनका सन्दर्भमा प्रदेश सभामा प्रतिनिधित्व गर्ने अन्य राजनीतिक दलहरुसँग समेत परामर्श गरी सरकारको नेतृत्व र सहभागीताको स्वरुप तय गर्ने सहमति भएको उहाँको भनाइ छ ।

प्रकाशित मिति: शनिबार, साउन ९, २०८३ १८:४८

प्रतिक्रिया दिनुहोस्