आज पनि अस्पतालमा आकस्मिकबाहेकका सेवा बन्द

स्वास्थ्य

Home
स्वास्थ्य
आज पनि अस्पतालमा आकस्मिकबाहेकका सेवा बन्द

आज पनि अस्पतालमा आकस्मिकबाहेकका सेवा बन्द

काठमाडौं । नेपाल चिकित्सक सङ्घले वीरगञ्जस्थित नारायणी अस्पतालमा चिकित्सक तथा स्वास्थ्यकर्मीमाथि भएको आक्रमणका दोषीमाथि कारबाहीको माग गर्दै आज पनि देशभरका अस्पताल, मेडिकल कलेज तथा स्वास्थ्य संस्थामा आकस्मिकबाहेकका सबै सेवा बन्द गरेको छ।

सङ्घले घटना भएको चार दिन बितिसक्दा पनि दोषी पक्राउ गरी कारबाही नगरेको तथा न्याय माग्न गएका चिकित्सकमाथि पर्साका प्रमुख जिल्ला अधिकारी र प्रहरी प्रमुखले दुर्व्यवहार गरेको आरोप लगाएको छ। आन्दोलनअन्तर्गत आज बिहान १० बजे काठमाडौं उपत्यकाका चिकित्सक तथा स्वास्थ्यकर्मीहरू माइतीघर मण्डलामा विरोध प्रदर्शनमा सहभागी हुँदैछन्। उपत्यका बाहिर भने सम्बन्धित जिल्ला प्रशासन कार्यालयमा ज्ञापनपत्र बुझाउने र आ–आफ्नो स्वास्थ्य संस्थामा धर्ना दिने कार्यक्रम रहेको सङ्घले जनाएको छ।

प्रकाशित मिति: बुधबार, साउन १३, २०८३ ०८:५४

प्रतिक्रिया दिनुहोस्