अस्पतालको ढोकामै प्रसूति पीडा : सप्तरीको घटनाबाट पाठ सिकेन स्वास्थ्य प्रशासन ?

स्वास्थ्य

Home
स्वास्थ्य
अस्पतालको ढोकामै प्रसूति पीडा : सप्तरीको घटनाबाट पाठ सिकेन स्वास्थ्य प्रशासन ?

अस्पतालको ढोकामै प्रसूति पीडा : सप्तरीको घटनाबाट पाठ सिकेन स्वास्थ्य प्रशासन ?

वीरगंज । सरकारी अस्पतालमा प्रसूति सेवा सुरक्षित र सहज हुनुपर्ने हो । तर सुनसरी र सप्तरीका पछिल्ला घटनाले सरकारी स्वास्थ्य सेवाको संवेदनशीलता, आकस्मिक उपचारको पहुँच र स्वास्थ्यकर्मीको जवाफदेहितामाथि गम्भीर प्रश्न उठाएका छन् । प्रसव पीडाले छट्पटाइरहेकी सुनसरीको कोशी गाउँपालिका–३ की लालु सदा एम्बुलेन्सभित्रै सुत्केरी हुन बाध्य भएको घटनाले एक महिनाअघि सप्तरीमा गत भदौ २४ गते राति राजविराजस्थित गजेन्द्रनारायण सिंह अस्पतालको मूल गेटबाहिर सडकपेटीमै शिशु जन्माएकी बबिता कुमारी पासवानको घटनाले देखिएको दर्दनाक अवस्थालाई फेरि सम्झाएको छ ।

परिवारको आरोपअनुसार जिल्ला अस्पताल इनरुवाले आवश्यक कागजात नमिलेको भन्दै सदालाई भर्ना लिन मानेन । उनलाई ‘हाई रिस्क’ अवस्थाको भन्दै अन्यत्र लैजान सुझाव दिइएको बताइएको छ । त्यसपछि विराटनगरतर्फ लैजाँदै गर्दा दुहबी पुगेपछि एम्बुलेन्सभित्रै उनको प्रसूति भएको जनाइएको छ । घटनाबारे अस्पताल प्रशासनको विस्तृत आधिकारिक प्रतिक्रिया भने सार्वजनिक भएको छैन ।

यो घटनालाई सामान्य प्रशासनिक कमजोरी भनेर पन्छाउन मिल्दैन । प्रसव पीडामा रहेकी महिलाको अवस्था कति गम्भीर थियो, अस्पतालमा कुन स्वास्थ्य परीक्षण गरियो, भर्ना गर्न नसक्नुको वास्तविक कारण के थियो र वैकल्पिक अस्पतालमा सुरक्षित रूपमा पु¥याउने व्यवस्था गरिएको थियो कि थिएन भन्ने प्रश्नको जवाफ अस्पताल प्रशासनले दिनुपर्छ ।

प्रकाशित मिति: शुक्रबार, असोज २३, २०८३ ०९:२६

प्रतिक्रिया दिनुहोस्