भन्सार छलीको कपडा बरामद

समाचार

Home
समाचार
भन्सार छलीको कपडा बरामद

भन्सार छलीको कपडा बरामद

274772168_990800091541708_8075470786078979297_n.jpg

वीरगंज, फाल्गुन ।
सशस्त्र प्रहरीले भन्सार राजश्व छली अवैध रुपमा भारतबाट नेपाल भित्र्याईएको ठूलो परिणाममा कपडा बरामद गरेको छ । सशस्त्र प्रहरी बल नेपाल नं. १३ गण पर्साबाट खटिएको टोलीले वीरगंज महानगरपालिकाको वडा नं. २५ रामगढवास्थित लक्ष्मण प्रसाद कुर्मीको घरमा छापा मारी ६५ पोका कपडा बरामद गरेको हो ।

कुर्मीको घरमा रहेको ३, ४ र ५ नं. को ३ वटा सटर कोठा वीरगंज महानगरपालिकाको वडा नं. २० निवासी अनुप शर्माले भाडामा लिई लुकाई छिपाई राखेको कपडा बरामद गरिएको सशस्त्र प्रहरी नायब उपरिक्षक संतोष कुमार बस्नेतले जानकारी दिए । सशस्त्र प्रहरी नायब उपरिक्षक बस्नेतको कमाण्डमा १५ जना, विओपि वीरगंजबाट सशस्त्र प्रहरी निरिक्षक सुवर्ण बहादुर बमको कमाण्डमा ९ जना र वीरगंज भन्सार कार्यालयका भन्सार अधिकृत तेज बहादुर रावलसहितको संयुक्त टोलीले उक्त कपडा बरामद गरेको हो ।

वडाध्यक्ष दशरथ राउत कुर्मी लगायत स्थानिय भद्रभलालमीहरुको रोहबरमा कानुनी पक्रिया पुरा गरी उक्त घरको खनतालासी गर्दा ६५ पोक्का कपडा बरामद भएको सशस्त्र प्रहरी पर्साका प्रवक्ता समेत रहेका सशस्त्र प्रहरी नायब उपरिक्षक बस्नेतले वताए । बरामद कपडा आवश्यक कारवाहीको लागि वीरगंज भन्सार कार्यालयमा राखिएको उनले जानकारी दिए ।

प्रकाशित मिति: शुक्रबार, फागुन २०, २०७८ २२:२०

प्रतिक्रिया दिनुहोस्