सेनाको ट्रक अनियन्त्रित भई पल्टिँदा तीनजना घाइते

समाचार

Home
समाचार
सेनाको ट्रक अनियन्त्रित भई पल्टिँदा तीनजना घाइते

सेनाको ट्रक अनियन्त्रित भई पल्टिँदा तीनजना घाइते

चितवन । चितवनमा नेपाली सेनाको ट्रक अनियन्त्रित भई पल्टिँदा ट्रकमा सवार तीनजना सेना घाइते भएका छन् ।
आज दिउसो २ बजेर ५५ मिनेटमा भरतपुर महानगरपालिका वडा नम्बर २९ मुग्लिन नारायणगढ सडक खण्डको घुमाउनेमा काठमाडौँबाट बाराको अम्लेखगञ्जका लागि हिँडेको भैरवनाथ गणको लु १ ग १०९ नम्बरको ट्रक दुर्घटना भएको हो ।

ट्रकमा सवार १४ जना मध्ये ३ जना घाइते भई पुरानो मेडिकल कलेजमा उपचार भई रहेको जिल्ला प्रहरी कार्यालय चितवनले जनाएको छ । हाल उक्त सडक खण्ड बाटो एक तर्फ सुचारु रहेको र प्रहरी चौकी जुगेडीबाट प्रहरी टोली खटीएको छ । र ट्रक पन्छाउने कार्य भई रहेको छ ।

घाइते हुनेमा ट्रक चालक–नेपाली सेनाको अमल्दार बर्ष ३३ को कृष्ण प्याकुरेल, नेपाली सेनाको जमदार बर्ष ३९ को उत्तम कार्की र नेपाली सेनाको अमल्दार बर्ष ३२ को केआई सिंह सामान्य घाइते रहेको चितवन प्रहरीले जनाएको छ ।

प्रकाशित मिति: आइतबार, चैत १२, २०७९ १७:२४

प्रतिक्रिया दिनुहोस्