प्रधानमन्त्री बालेनलाई भारतले पठायो भ्रमणको निमन्त्रणा

राजनीति

Home
राजनीति
प्रधानमन्त्री बालेनलाई भारतले पठायो भ्रमणको निमन्त्रणा

प्रधानमन्त्री बालेनलाई भारतले पठायो भ्रमणको निमन्त्रणा

काठमाडौं । प्रधानमन्त्री बालेन्द्र शाहलाई भारत भ्रमणका लागि निम्तो दिइसकेको भारतीय विदेशमन्त्रालयले औपचारिक जानकारी गराएको छ ।

भारतीय विदेशमन्त्रालयको नियमित पत्रकार सम्मेलनमा पत्रकारको प्रश्नमा प्रवक्ता रणधीर जैसवालले प्रधानमन्त्री शाहको भारत भ्रमणको निम्तो दिएको बताएका हुन् । उनले प्रधानमन्त्री शाहको भ्रमण हुने अपेक्षा गरेका छन् ।

प्रधानमन्त्री शाहका प्रमुख सल्लाहकार कुमान बेनको गोप्य भेटवार्ताबारे पनि पत्रकारको प्रश्नमा कुनै जानकारी नरहेको जैसवालले प्रष्ट्याएका छन् । केहीअघि बेन सडक मार्ग हुँदै गोप्यरुपमा दिल्ली पुगेर भारतीय सुरक्षा सल्लाहकार अजित डोभलसँग भेट गरेको समाचार बाहिरिएको थियो । यही सन्दर्भमा पत्रकारको जिज्ञासामा भारतीय विदेशमन्त्रालयका प्रवक्ता जैसवालले कुनै जानकारी नरहेको बताएका थिए । बेनको भ्रमणमा प्रधानमन्त्री शाहको भारत भ्रमणबारे कुरा भएको सार्वजनिक समाचारहरुमा उल्लेख थियो ।

प्रकाशित मिति: मंगलबार, साउन १२, २०८३ १८:१७

प्रतिक्रिया दिनुहोस्