मधेश प्रदेशमा विद्यार्थीको उमेर बढेसँगै विद्यालय भर्ना दर घट्दै

शिक्षा

Home
शिक्षा
मधेश प्रदेशमा विद्यार्थीको उमेर बढेसँगै विद्यालय भर्ना दर घट्दै

मधेश प्रदेशमा विद्यार्थीको उमेर बढेसँगै विद्यालय भर्ना दर घट्दै

जनकपुरधाम । मधेश प्रदेशका जिल्लाहरूमा पूर्व प्राथमिक कक्षा भर्ना भएका विद्यार्थीहरूको सङ्ख्या उच्च भएपनि त्यसपछिको कक्षामा घट्ने गरेको तथ्याङ्क रहेको छ ।

पूर्व प्राथमिक तहमा भर्नाका लागि ३ देखि ४ वर्षका बालबालिकाहरू आउने गरेका छन् । नेपालमा यो उमेर समूहका बालबालिकाको भर्ना प्रतिशत ९४.९ प्रतिशत रहेपनि मधेश प्रदेशमा ९९.४ प्रतिशत रहेको छ ।

यो उमेर समूहका विद्यार्थी भर्नामा मधेश प्रदेश अग्र स्थानमा भएपनि त्यसपछि विद्यार्थीहरूको भर्ना दर घट्ने गरेको मधेश प्रदेशका शिक्षा तथा संस्कृति मन्त्रालयका निमित्त सचिव महेन्द्र महतोले जानकारी दिनु भएको छ ।

विद्यार्थीहरू ठूलो भएपछि अभिभावकले अन्य काममा प्रयोग गर्ने भएका कारणले विद्यार्थीहरूको विद्यालय भर्ना हुने क्रममा कमी आउने गरेको छ । ४ वर्ष उमेर समूह माथि भर्ना हुने प्रारम्भिक वाल विकास तथा शिक्षा केन्द्रमा राष्ट्रिय स्तरमा विद्यालय भर्ना हुने प्रतिशत ७०.५ रहेको छ भने मधेश प्रदेशमा ६८.२ प्रतिशत रहेको छ । यो भर्ना दर पनि सातै प्रदेश भन्दा मधेश प्रदेशमा न्यून रहेको छ ।

यसै गरि कक्षा १ मा भर्ना हुनेको प्रतिशत मधेश ६२.५ प्रतिशत रहेको छ भने राष्ट्रिय स्तरमा भर्ना हुने प्रतिशत ७६.७३ प्रतिशत रहेको छ । कक्षा १ मा मधेश प्रदेशमा भर्ना हुने प्रतिशत पनि सातै प्रदेशमा सबैभन्दा न्यून रहेको छ । साभार : रेडियो नेपाल

प्रकाशित मिति: मंगलबार, असार १८, २०८१ ०६:४८

प्रतिक्रिया दिनुहोस्