मौलापुर प्रहरी अवैध गतिविधिविरुद्ध आक्रामक, तस्करी नियन्त्रणमा कडाइ

समाचार

Home
समाचार
मौलापुर प्रहरी अवैध गतिविधिविरुद्ध आक्रामक, तस्करी नियन्त्रणमा कडाइ

मौलापुर प्रहरी अवैध गतिविधिविरुद्ध आक्रामक, तस्करी नियन्त्रणमा कडाइ

रौतहट । अवैध गतिविधि नियन्त्रणमा इलाका प्रहरी कार्यालय मौलापुरले सक्रियता बढाएको छ। चोरी–पैठारी, तस्करी तथा शंकास्पद गतिविधिमाथि निगरानी र चेकजाँचलाई तीव्र बनाएसँगै मौलापुर क्षेत्रमा प्रहरीको उपस्थिति प्रभावकारी बन्दै गएको स्थानीयले बताएका छन्।

स्थानीयले प्रहरीको सक्रियता अझ निरन्तर रहनुपर्ने बताउँदै मौलापुर क्षेत्रमा शान्ति–सुरक्षा कायम गर्न प्रहरीको मेहनत प्रशंसनीय रहेको बताएका छन्। इलाका प्रहरी कार्यालय मौलापुरलाई बदनाम गराउने उद्देश्यले प्रहरी संगठनभित्रकै केही तत्व सक्रिय रहेको कार्यालय प्रमुख प्रहरी निरीक्षक भरत केसीले बताएका छन्।

केसीका अनुसार कार्यालयले आफ्नो जिम्मेवारीअनुसार शान्ति–सुरक्षा कायम गर्न तथा अवैध गतिविधि नियन्त्रणमा सक्रियता बढाएपछि केही व्यक्तिहरूले प्रहरी कार्यालय र कर्मचारीको छवि धुमिल्याउने प्रयास गरिरहेका छन्।

आफू सीमा क्षेत्रमा नरहेको र आफ्नो कार्यक्षेत्रबाट सीमा क्षेत्र करिब आठ–नौ किलोमिटर टाढा रहेको बताएका छन्। प्रहरी निरीक्षक केसीले प्रहरी कर्मचारीमाथि लगाइने आरोप प्रमाणसहित पुष्टि हुनुपर्ने बताउँदै गलत सूचना वा व्यक्तिगत स्वार्थका आधारमा प्रहरी संगठनलाई बदनाम गर्ने प्रयास स्वीकार्य नहुने बताएका छन्।

स्थानीयका अनुसार इलाका प्रहरी कार्यालय मौलापुरले रातदिन खटि मौलापुर क्षेत्रको शान्ति–सुरक्षा कायम गर्न सक्रिय भूमिका निर्वाह गरिरहेका छन्। उनीहरूको नियमित गस्ती तथा निगरानीका कारण विगतको तुलनामा चोरी–पैठारी र तस्करीका गतिविधिमा कमी आएको स्थानीयको भनाइ छ।

प्रकाशित मिति: बिहीबार, साउन २८, २०८३ १७:०३

प्रतिक्रिया दिनुहोस्